Reperi amerikan, Lil Durk, i cili u nominua për dy çmime Grammy në fillim të këtij viti, ka qenë i përfshirë në një shkëmbim me armë zjarri me disa ndërhyrës në shtëpinë e tij.
Policia e Gjeorgjisë tha se banorët shkëmbyen armë me disa të dyshuar të dielën, por nuk u plagosën.
Një zëdhënëse e Byrosë së Hetimit të Gjeorgjisë i tha BBC News se oficerët ishin thirrur për “një sulm të rëndë / incident pushtimi në shtëpi” herët të dielën.
“Gjatë incidentit, të dyshuarit dhe banorët shkëmbyen të shtëna armësh. Banorët nuk u plagosën gjatë incidentit,” tha ajo.
Në qershor, albumi i ri i Lil Durk u radhit i pari në toplistat e SHBA-së dhe numri pesë në Mbretërinë e Bashkuar.
Sipas Billboard 28-vjeçari këtë vit ka pasur 33 këngë në “US Hot 100 charts”, më shumë se çdo artist tjetër.
Dhe kënga “Laugh Now Cry Later”, bashkëpunimi i tij me Drake, ishte nominuar për këngën më të mirë rep dhe performancën më të mirë melodike të repit në Grammy Awards.
Lil Durk edhe vetë po përballet me akuza për vrasje në lidhje me një incident të vitit 2019.
