Britney Separs i paska dhënë fund martesës së saj 55-orëshe me mikun e fëmijërisë, Jason Alexander pasi nëna e saj e paska detyruar që të ndërmerrte një vendim të tillë.
Avokati i yllit është shprehur se as Britney dhe as Alexander nuk donin që martesa të anulohej, por ishte Lynne Spears dhe ekipi menaxhues i Britney-t që ndërhynë duke i detyruar.
“Ishte nëna që ndërhynte dhe po përfshihej në jetën e vajzës së saj. “Ajo erdhi në Las Vegas, e nxori Jason jashtë loje dhe i dha atij një biletë avioni për t’u kthyer në shtëpi”, tha avokati.
Kujtojmë se në janar të vitit 2004, Spears u martua me Alexander, ndërsa dasma u anulua pas 55 orësh nga një peticion që thoshte se Britney “nuk ishte e ndërgjegjshme për veprimet e saj”.
Avokati i divorcit është shprehur se Alexander e kontaktoi atë pas kësaj ngjarjeje duke kërkuar ndihmë ligjore dhe ishte shumë i mërzitur.
“Jason ishte i hutuar sepse e donte Britney dhe nuk donte ta lëndonte atë, por ai kishte shumë frikë nga nëna e saj dhe skuadra e menaxhimit. Unë me të vërtetë besoj se kjo ngjarje kishte një ndikim të dëmshëm në jetën e Britney Spears – mënyrën se si ajo është kontrolluar dhe çmimin që ka paguar”, u shpreh avokati.
Po ashtu, edhe Alexander ka treguar versionin e tij që është mjaft i ngjashëm me atë të avokatit të divorcit.
“Ata më thanë nëse do të nënshkruaja kontratat – anulimin – ata do të më linin mua dhe Britney-n të vazhdonim marrëdhënien tonë, dhe nëse do të ndiheshim njësoj në 6 muaj ata do të na bënin një martesë siç duhej”, tregon Alexander.
