Daniel Craig, i njohur më së shumti për rolin e James Bondit, ka thënë se nuk do t’u lërë fëmijëve të tij trashëgimi të rëndësishme, sepse nuk i pëlqen kjo praktikë tradicionale.
Aktori ka fituar miliona gjatë karrierës, ndërsa kohët e fundit u konfirmua se do të luajë në filmat e ardhshëm “Knives Out”, të cilët Netflix i bleu nën një kontratë shumëmilionëshe në fillim të këtij viti.
53-vjeçari ka një vajzë trevjeçare si dhe një vajzë të rritur, Ella, me ish-gruan e tij, aktoren Fiona Loudon. Ai është i martuar me Rachel Weisz, kjo e fundit ka njw vajzë nga martesa e saj e parë.
Craig i ka thënë revistës Candis se nuk planifikon t’u lërë pasuri fëmijëve të tij, duke ndjekur shembullin e industrialistit Andrew Carnegie.
Ylli i filmave për ‘007’ është shprehur se koncepti i trashëgimisë është “pa shije” dhe mendon se është më mirë të “heqësh qafe atë ose ta japësh atë para se të shkosh”.
