Reperi nga Ferizaji, Gramoz Aliu – Mozzik, i ka reaguar, zëvendëskryeministrit, Besnik Bislimi, i cili dje tha se është dakorduar me palën serbe që të hapen të gjitha arkivat, duke përfshirë edhe ato të Kosovës që kanë të bëjnë me UÇK-në.
Mozzik përmes një statusi në ‘Facebook’, ka thënë se askush nuk ka të drejtë të ofendon luftën e shejtë të UÇK-së.
Ai tutje ka shtuar se UÇK-ja nuk është vetëm themeli i shtetit, por është vet Shteti i Republikës së Kosovës.
Artisti theksoi se është e nevojshme që edhe fëmijët të dinë historinë e UÇK – së.
Ai po ashtu ka shpërndarë edhe një video në InstaStory, ku flet një qytetarë mbi historinë dhe ushtrinë e UÇK – së.
Postimi i plotë:
“Veç edhe ni rrajë t’pastë metë e fijës të Shqiptarit nuk mundesh të mendosh gabim a po ofendosh luftën e shenjtë të UÇK-së po besa dikujt e dikujt nuk i ka mbetë as një fije .
Besa dikush as fëmijeve të vet nuk ua tregon historinë e UÇK-së , mendojnë që është e pa nevojshme të dinë fëmijet për luftën tonë .
Nuk e di ..sidomos ata që jan rritur Kosovë , e prindërit e tyre po në të njejtin vend jan rritur e kan vdekur këtu ..Hala ” dyshojnë ” në luftën e UÇK-së .
UÇK-ja nuk është vetëm themeli shtetit , por është vet Shteti i Republikës së Kosovës .
UÇK-ja ishte, e është ende !
Veç edhe me ma shumë ushtarë sot.
