Reperi Feronit Shabani- FERO bashkë me truprojën e tij, Bujar Ibishi, që dyshohet që kanë sulmuar sot në studion e tij producentin Jetmir Agaj, janë vet dorëzuar në polici.
Media mëson se Fero dhe truproja i tij janë vet dorëzuar rreth orës 19: 50 në stacionin e Policisë së Kosovës në Fushë Kosovë.
“Pas dorëzimit të tyre tek autoritetet e ndjekjes, ata janë arrestuar dhe janë dërguar në stacionin e Jugut në Prishtinë”, bënë të ditur burime brenda policisë.
Ndryshe, gjatë ditës është raportuar se Fero dhe truproja e tij kanë sulmuar producentin Jetmir Agaj dhe se në sulm është përdorur edhe një armë e zjarrit nga truproja e Feros, Bujar Ibishi.
