Romeo i kishte shkruar një letër Donaldit dhe ajo u lexua mbrëmë gjatë spektaklit. Pa u komentuar nuk u la batuta me të cilën Romeo e kishte mbyllur letrën. “Dëgjo, thuaj një fjalë për mua asaj Beniadës se është shumë e mirë zemra”, i kishte shkruar vëllai Donaldit.
Sot, Donaldi ka nisur nga puna duke i folur Beniadës për vëllain. Teksa bisedonin bashkë në oborr, ai i tha modeles se do takohen jashtë dhe ajo do e pëlqejë shumë Romeon.
“Do dalim bashkë kur të dalim që këtej. A e di sa do ta pëlqesh ti Romeon?!”- i tha ai Beniadës. Ajo e kaloi situatën duke qeshur e me batuta, bashkë me banorët e tjerë.
Mos harrojmë që Romeo është në një lidhje me Aleksia Peleshin, të paktën ky është lajmi i fundit që kemi për jetën e tij sentimentale.
Ndryshe, BIG Brother VIP Albania mund ta ndiqni ekskluzivisht në platformën IPKO, në dy kanale të dedikuara posaçërisht për të ndjekur banorët e shtëpisë më të famshme në Shqipëri, 24/7, pa pagesë shtesë, të numëruara 31 dhe 32 në listën e kanaleve, si dhe përmbledhjen javore në kanalin TOP Channel.
