Duke qenë se do e kalojnë natën e ndërrimit të viteve në “Big Brother VIP”, banorët do organizojnë spektaklin e Vitit të Ri që do të jepet në “Live Show” në 1 janar. Ata mund të përgatisin çfarë të dëshirojnë: kërcim, këngë, skeçe, imitime apo edhe talente të tjera që mendojnë se ata kanë.
Mbrëmjen e djeshme ata duhet të diskutonin për elementët e spektaklit që do të organizojnë.
Teksa ndodheshin në tryezë duke diskutuar, Donaldi i bëri një kërkesë publikisht Arbanës. Ai tha se do dëshironte ta intervistonte sepse nuk e ka parë në intervista të mëparshme.
Nga ana tjetër, Einxhel nuk mori pjesë në diskutime për shkak të disa hatërmbetjeve.
Më pas, ajo debatoi me Donaldin dhe e akuzoi se “i ka vjedhur idenë”. Moderatorja u shpreh se ishte ajo e parë që tha se dëshironte të intervistonte dhe se ai “i mori dëshirën”.
Ndoshta Donaldi dhe Einxhel nuk e kanë menduar por mund ta intervistojnë të dy Arbanën duke qenë bashkëprezantues dhe të rrimë të qetë të gjithë.
Ndryshe, BIG Brother VIP Albania mund ta ndiqni ekskluzivisht në platformën IPKO, në dy kanale të dedikuara posaçërisht për të ndjekur banorët e shtëpisë më të famshme në Shqipëri, 24/7, pa pagesë shtesë, të numëruara 31 dhe 32 në listën e kanaleve, si dhe përmbledhjen javore në kanalin TOP Channel.
