Të dyja artistet e estradës i kanë dhënë fund armiqësisë së tyre.
Fillorete Raçi-Fifi dhe Doruntina Shala-Tayna, në vitin 2018-të kishin disa përplasje virtuale dhe kjo kishte ndodhur si shkak i projekteve muzikore të cilat thumbonin njëra-tjetrën me tekstet e këngëve.
“S’më bën përshtypje nëse e ki belin e hollë, mos i jep vetes rëndësi se je t’u u kalb n’silikon”, ka qenë një rresht kënduar nga Fifi, ndërsa Tayna nuk ka hezituar t’ia kthente.
Ajo kishte publikuar një fotografi duke shkruar: “Like po e gjetët dikë me bel të trashë”, një koment ky që është cilësuar diss i drejtpërdrejtë ndaj Fifit.
Megjithatë, pas shumë komenteve negative drejt njëra-tjetrës, të dyja artistët i dhanë fund armiqësisë. Ishte Tayna, ajo e cila e kishte bërë hapin e parë drejt përmirësimit të raportit me Fifin. Këngëtarja i kishte pëlqyer postimin e kantautorit, Flori Mumajesi ku Fifi këndon këngën “Diell” teksa më vonë ishte Fifi ajo e cila e ndau në storien e saj në Instagram këngën e re te Taynës “Heroinat”.
Ndërkohë, përveç kësaj, Tayna e ka ftuar sot Fifin në ditëlindjen e saj të 25-të.
Lajmi.net po qëndron në festën e këngëtares, teksa kemi shkrepur disa momente ku Fifi shihet bashkë me Taynën.
