Darka me disa miq “VIP-a” një mbrëmje më parë në Big Brother VIP, duket se ka lënë pakënaqësi tek disa prej banorëve.
Batutat e lëshuara gjatë darkës, kanë prekur edhe ish-banorë. Rasti i parë është batuta e Ermal Mamaqit i cili tha se ka përfshirë Borën, ish-partneren e Donaldit në një projekt. Kjo bëri që Beatrix Ramosaj të mos vinte në emisionin e mbrëmjes së sotme.
Por një batutë tjetër që është hedhur gjatë darkës, ka prekur një tjetër banore. Bëhet fjalë për Einxhel. Aktori Agron Llakaj ka ngacmuar Einxhel lidhur me fondacionin që ajo planifikon të hapë, deklaratë e cila e ka mërzitur moderatoren.
“Nëse do ta fitoja çmimin do hapja fondacion”, - ka thënë Agroni në kuadër të një shakaje me Donaldin.
Gjatë spektaklit Einxhel sqaroi se ndihej e mërzitur për këtë ironi dhe se për të Agroni zgjodhi të mbante anën e Donaldit.
Ndryshe, BIG Brother VIP Albania mund ta ndiqni ekskluzivisht në platformën IPKO, në dy kanale të dedikuara posaçërisht për të ndjekur banorët e shtëpisë më të famshme në Shqipëri, 24/7, pa pagesë shtesë, të numëruara 31 dhe 32 në listën e kanaleve, si dhe përmbledhjen javore në kanalin TOP Channel.
