Dafina Zeqiri është një nga këngëtaret më të pëlqyera në tregun tonë muzikorë.
Përpos vokalit që e dallon, Dafina ka edhe një stil të veçantë në veshje. Këngëtarja nuk heziton të guxojë me lukun e saj si në veshje edhe në flokë dhe make up. Së fundmi ajo ka realizuar një set fotografik të cilin e ka ndarë më pas me ndjekësit e saj në Instagram.
Në fotot e bërë publike Dafina mban veshur një palë pantollona dhe një bluzë të hapur përpara ngjyrë jeshile të ndezur. Ajo ka pozuar në motorin Vespa që i dhuroi partnerit të saj disa ditë më parë.
“Le ta shfrytëzojmë vespan e burrit tim shpejtë,”- shkruan Zeqiri krahas fotove.
Të shumtë ishin komentuesit në postin e këngëtares, duke e komplimentuar për dukjen. Nuk mungoi edhe ai i partnerit të saj i cili shkruan thjeshtë “Të Dua”.
Ju kujtojmë që disa ditë me parë Dafina vendosi ta surprizojë Genc Halmi, i njohur si Dj Geek me një dhuratë. Dj Geek, publikoi në llogarinë e tij në Instagram disa foto dhe video nga surpiza e papritur e parnteres së tij. Këngëtarja i dhuroi të dashuri të saj një motor ngjyrë të verdhë, të cilin duket se ai ka dashur ta ketë prej kohësh.
“Dhuratë ditëlindjeje para kohe nga gruaja”- shkroi ai krahas postimit, ndërsa këngëtarja zbuloi në seksionin e komenteve se në fakt ditëlindja e Dj Geek është më 10 shtator.
