Bella Thorne dhe Benjamin Mascolo i kanë dhënë fund fejesës së tyre. Lajmin e konfirmoi këngëtari italian përmes Instagramit.
“I uroj vetëm më të mirën këtij personi dhe do të jem gjithmonë pranë saj. Të dua”, ka shkruar ai në një deklaratë të gjatë të postuar në rrjetin social.
Sipas People, dyshja u nda miqësisht.
“Oraret e tyre kontradiktore çuan në një kohë të gjatë larg, që përfundimisht rezultoi në ndarje”, tha një burim i brendshëm për gazetën.
Mascolo, 28 vjeç, i propozoi Thorne, 24 vjeçe, në mars 2021 pas gati dy vitesh lidhje. Të dy filluan së pari të shoqëroheshin në prill 2019, disa ditë pasi Thorne njoftoi ndarjen e saj nga reperi Mod Sun.
