Këngëtarët e njohur shqiptarë, Sabiani dhe Adelina Berisha, kanë prezantuar sot (e premte) projektin e ri muzikor.
“Ma kadal” mban titullin bashkëpunimi i tyre, të cilin e kanë kompletuar edhe me videoklip.
Artistja e njohur ka bërë një paraqitje të mrekullueshme në klip, gjersa ka rrëmbyer vëmendje me stilin e veçantë të veshjes.
Kënga është ritmike, e realizuar për kohën e verës dhe besohet që do të pëlqehet edhe nga publiku e fansat e tyre.
Teksti është shkruar nga Saia, kurse për muzikën u përkujdes Sabiani dhe Marsel Gunga.
Producimi ndërkohë u bë nga Gravity Music me video të realizuar nga ‘Fullmon Production’.
Projektin tanimë të plotë mund ta gjeni në kanalin zyrtar, YouTube.
