Khloé Kardashian i ka dhënë fund lidhjes me të dashurin e saj misterioz, i cili thuhet se është një investitor i kapitalit privat.
"Khloé dhe investitori i kapitalit privat u ndanë," tha një burim për Us Weekly. "Ata u ndanë disa javë më parë, gjërat thjesht morën fund mes tyre."
Kardashian dhe burri misterioz u prezantuan në një darkë pak muaj më parë nga motra e Khloe, Kim Kardashian dhe ata u pëlqyen menjëherë.
Megjithatë, duket se Khloe nuk dëshiron të jetë në një lidhje këtë periudhë, por do që t’i përkushtohet mëmësisë. Vetëm muajin e kaluar, u publikua lajmi se Khloé dhe Tristan Thompson ishin në pritje të fëmijës së tyre të dytë së bashku - një djalë - nëpërmjet një gruaje zëvendësuese.
Fëmija erdhi në jetë dy ditë më parë, 8 muaj pasi Khloe dhe Tristan i dhanë fund marrëdhënies së tyre përgjithmonë. Fëmija ishte ngjizur përmes një nëne surrogate përpara se të zbulohej se basketbollisti po lindte një fëmijë me dikë tjetër.
