Ndarja e Shakirës me Pique u përfol jo pak në 2022 dhe duket se fansat e yllit vazhdojnë të merren me ish-çiftin.
Një postim i Page Six raporton se fansat e Shakirës kanë gjetur pamjet e partneres aktuale të futbollistit, Clara Kia Marti, nga një intervistë online e Pique në shtëpinë e tij në vitin 2021, kur ai ishte ende me Shakiran.
Sipas faqes së internetit, “Partnerja e re i Gerard Pique shfaqet në një video të regjistruar nga brenda shtëpisë që ai ndau me Shakira-n kur ata supozohet se po jetonin të lumtur së bashku.”
Videoja u zbulua dhe Shakira është “e shkatërruar”, tha një burim i afërt me të për Page Six. Edhe pse biondja në video nuk e tregon fytyrën para kamerës, shumë ndjekës janë të sigurt se është Kia Marti.
Videoja që tregon se Pique dhe Clara Chía ishin bashkë para ndarjes #shakira #fyp
“Ajo është e shkatërruar kur mësoi se kjo grua hyri në shtëpinë që ata ndanin me fëmijët e tyre”, tha burimi i cituar nga faqja.
Teksa këngëtarja e muzikës pop ishte në një udhëtim me fëmijët e saj, Pique e dha këtë intervistë të veçantë përmes Zoom.
Kush është partnerja e re e Piques, e cila bëri bujë duke kërcyer me një këngë të Shakirës
Dyshja thuhet se janë takuar gjatë punës së bashku.
Pique dhe Clara u panë së bashku në fillim të qershorit, por lidhja e tyre nuk u konfirmua pasi ata mbanin distancë publikisht.
Pasi ia doli ta bënte Shakirën të “tërbuar” me daljen e saj publike në krah të Piques, një postim i Kias në llogarinë personale në Instagram duket se do të jetë “qershia mbi tortë”.
Më konkretisht, Clara Kia ka publikuar një video, ku shfaqet duke kërcyer para pasqyrës e veshur me bikini të zeza, nën tingujt e… Shakirës.
Videoja e lëkundjes së saj nën ritmin e “Te Felicito”, hitit të ri të Shakirës, mund të jetë “shkarkuar” në vetëm pak minuta, por arriti të bëjë xhiron e internetit që në orët e para të publikimit.
Ashtu siç pritej, lëvizja e saj zemëroi publikun e këngëtares që flet për “mosrespekt”. “Po përpiqet të tërheqë vëmendjen”, “guxoi të vendoste një këngë të Shakirës, është provokuese dhe nuk tregon respekt” janë vetëm disa nga komentet e fansave të yllit. Dalja e tyre e parë publike e çiftit së bashku dolën në dritë në verën e vitit 2022, kur Pique dhe Kia morën pjesë së bashku në Summerfest Cerdanya. Të përqafuar dhe duke mos bërë asnjë përpjekje për të fshehur lidhjen e tyre, ylli spanjoll i futbollit dhe studentja 23-vjeçare dukej se po shijonin shumë shoqërinë e njëri-tjetrit.
Raportet flasin se çifti pret fëmijën e tyre të parë.
Edhe pse asgjë nuk është konfirmuar, disa media ndërkombëtare kanë folur për një shtatzëni të mundshme të Clara Kia Martit.
Në emisionin “El gordo y la flaca” u komentua tema e veshjes së Kias. “Mund të shihni një bark të vogël që del jashtë. Kjo grua është e dobët dhe ju mund të shihni barkun e saj. Sinqerisht, unë mund të shoh barkun e saj. Klarita duket sikur ka bark. A mund të jetë shtatzënë?’
Kujtojmë se Pique, i cili i dha fund lidhjes me Shakirën vitin e kaluar, ka dy fëmijë me të, Milanin dhe Sashën, për të cilët po negocionte me Shakirën, pasi ajo dëshiron t’i marrë të jetojnë në Miami dhe futbollisti nuk ka qenë i gatshëm të pranojë.
