Shumë personazhe të njohur i kanë dalë në mbrojtje publikisht Luiz Ejllit dhe së fundmi pjesë e tyre është bërë dhe këngëtarja Juliana Pasha.
Disa vite më parë këngëtarja dhe Luizi kanë realizuar bashkëpunimin e tyre “Sa e shite zemrën”, e cila është rikthyer në qendër të vëmendjes që pas pjesëmarrjes së tij në “BigBrother VIP 2”.
Juliana ka vendosur të japë mendimin e saj në lidhje me situatën e Luizit brënda shtëpisë së famshme. Duket se kjo ka qënë dhe një kërkesë nga vetë fansat e artistes. Nëpërmjet një postimi në Instagramin e saj, Juliana ndau një pjesë nga kënga e tyre dhe krahas saj shkroi:
“Për të gjithë ju që më keni dërguar mesazhe pafund për Luizin. Sigurisht që e kam mbështetur pikërisht aty ku janë mbledhur të gjithë fansat dhe mbështetësit e tij, në TikTok. I uroj të ketë një mëndje të kthjellët, të pastër dhe shëndet të plotë”.
Kujtojmë se Luiz Ejlli është kthyer në kryefjalën e mediave pas diskutimeve të shumta për shëndetin e tij pas deklaratave që bënë lëmsh rrjetin.
Këngëtari rrëfeu se kishte një sëmundje të pashërueshme dhe tha se në të gjithë botën janë vetëm 11 klinika ku mund të kurohet kjo sëmundje dhe se në gusht pritet që të shtrohet në një spital në Bergamo.
Pasi u rikthye në shtëpi këngëtari nuk u mirëprit dhe aq mirë nga banorët të cilët përveç sulmeve ndaj tij zgjodhën dhe të distancoheshin, kjo gjë u vu re gjatë darkës pas spektaklit ku të gjithë banorët po qëndronin nën shoqërinë e njëri-tjetrit, ndërsa Luizi ishte vetëm.
Nga ana tjetër rrjeti është ndare në dy anë: Ata të cilët e mbështesin Luizin dhe ata të cilët janë të shokuar nga kjo situatë. Mirëpo në rrjetet sociale shihet se dominon një numër i madh komentesh të cilët i dalin në mbrojte këngëtarit. Madje disa prej tyre e kanë krahasuar me edicionin e vitit të kaluar në “BBVIP”, ku Donaldi u ‘sulmua’ nga produksioni për lidhjen e tij me Beatrix.
