Që prej hyrjes së Xhonatanit në shtëpinë e Big Brother VIP, në rrjet qarkulloi me shpejtësi thashethemi se mes tij dhe Olta Gixharit ka patur një histori dashurie në të shkuarën.
Xhonatani ishte banori i parë që u eliminua mbrëmjen e djeshme në “BBVIP”. I ftuar në “Fan Club”, ish-banori, u ndal tek thashethemet që kanë qarkulluar lart e poshtë për të dhe Oltën.
Ai u shpreh se ishte prekur nga këto thashetheme që kishin qarkulluar nëpër rrjet, duke hedhur poshtë të gjitha fjalët në lidhje me marrëdhënien e tyre.
“E vetmja gjë që më ka prekur është historia që unë dhe Olta kemi pasur një lidhje jashtë. Është e turpshme, unë e njoh Oltën familjarisht. Më preku, është një lajm i rremë.”– tha ai.
Kujtoimë se lajmi është nxjerrë nga ish e dashura e Xhonatanit ku thuhej se romanca ka ndodhur verën e kaluar edhe pse aktorja është e martuar dhe nënë e një djali.
