Mjekja estetiste, Luada Çaushaj vlerësoi Elvana Gjatën si një personazh të botës së show biz-it që ka ruajtur të njëjtën linjë fytyre dhe ka bërë ndërhyrjet më të mira.
Ajo tha se nuk mund të specifikojë çfarë ka bërë konkretisht, por theksoi se duket e bukur dhe nuk është ekzagjeruar.
“Do të veçoja Elvanën, më pëlqen tepër. Ka ruajtur të njëjtën Elvanë si në fillimet e para që ka dalë në ekran. Edhe sot, pas shumë vitesh është po prapë e njëjta. Fytyra, lëkura perfekt,” – u shpreh Çaushaj në një intervistë për “Good morning Albanians” në Euronews Albania.
Sipas mjekes duhet një zgjuarsi edhe kur bën ndërhyrje pasi duhet të marrësh vendimet e duhura dhe të bësh përzgjedhjet e duhura për të mos e tepruar.
