Një nga yjet më të mëdhenj të repit, Travis Scott, kërkohet për t’u marrë në pyetje nga policia e Nju Jorkut pas një ankese për sulm dhe dëmtim të pronës në një klub nate në qytet.
Një inxhinier zëri në Club Nebula pretendon se reperi e goditi atë me grusht në fytyrë pas një mosmarrëveshje verbale dhe dyshohet se i shkaktoi një dëm prej 12,000 dollarësh.
Nuk kishte asnjë mohim të incidentit në deklaratat e lëshuara nga përfaqësuesi i Scott, por drejtori menaxhues i klubit të natës Richie Romero tha se incidenti ishte “plotësisht jashtë proporcionit”.
“Ne jemi duke punuar në mënyrë aktive me zbatimin e ligjit për të zgjidhur dhe për të vërtetuar të vërtetën… Ne kemi besim se klienti ynë do të shfajësohet nga çdo keqbërje,” tha avokati i Scott, Mitchell Schuster.
Sipas Guardian, këtë të shtunë reperi pritet të performojë në festivalin muzikor Rolling Loud në Los Angeles.
