Georgina Rodriguez, partnerja e superyllit të futbollit Cristiano Ronaldo, ka bërë sërish bujë me postimin e saj të fundit në Instagram. Ndikuesja e mediave sociale ndau një seri fotosh nga vera e vitit 2020, duke përfshirë një imazh të saj dhe Ronaldos duke qëndruar para jahtit të tyre.
Imazhi, i cili tregon çiftin përballë jahtit Azimut Grande 27 Metra, që blenë tre vjet më parë për më shumë se gjashtë milionë euro, u shoqërua me një mbishkrim ku shkruhej “Më kujtohet ajo pasdite vere kur shkuam të blinim varkën tonë”.
Teksa postimi mblodhi në pak orë mbi pesë milionë e gjysmë pëlqime, ai mori kritika edhe nga disa ndjekës të cilët e akuzuan sërish Rodriguez-in se po lëvdonte me stilin e saj luksoz të jetesës, ndërsa në një intervistë të fundit ajo kishte thënë se nuk i pëlqen të mirat materiale.
Pavarësisht komenteve negative, shumë fansa të Rodriguez e mbrojtën atë, duke i quajtur “xhelozë” ata që lanë komente negative. Ky reagim nuk është asgjë e re për Rodriguez pasi ajo është kritikuar shumë herë në të kaluarën për stilin e jetës së saj luksoze dhe dhuratat që merr nga Ronaldo.
