Modelja e njohur, Naomi Campbell tani është nënë e dy fëmijëve.
53-vjeçarja zbuloi të enjten (29 qershor) se kishte mirëpritur fshehurazi fëmijën e saj të dytë, një djalë, shkruan PageSix.
“I dashuri im i vogël, dije që je i çmuar jashtë mase dhe i rrethuar nga dashuria që nga momenti që na ke mrekulluar me praninë tënde”, shkroi ajo në Instagram së bashku me një foto me të porsalindurin.
“Një dhuratë e vërtetë nga Zoti, e bekuar! Mirë se vjen Babyboy”, shtoi modelja.
Nëna e dy fëmijëve, 53 vjeç, tha gjithashtu se “nuk është kurrë vonë për t’u bërë nënë”.
Është e paqartë nëse Campbell lindi, përdori një nënë surrogate apo adoptoi djalin e saj.
