Gruaja e parë transgjinore që u kurorëzua Miss Holanda, Ricky Valerie Collet, e konsideroi suksesin e saj në konkurs një shenjë të një shoqërie të hapur. Por pas fitores, ajo u bombardua me mesazhe urrejtjeje në internet, siç thotë ajo në një intervistë.
Ricky Valerie Collet, 22 vjeç, thotë se ajo ka qenë shënjestër e gjuhës së urrejtjes që kur fitoi konkursin e bukurisë 94-vjeçar javën e kaluar.
Tashmë, ajo do të marrë pjesë në konkursin e Miss Universe, ku nëse fiton do të jetë gruaja e parë transgjinore që fiton këtë titull.
Në intervistën e saj, ajo shpjegon se po përpiqet të përqendrohet tek e mira në vend të komenteve lënduese në rrjetet sociale.
“Mendova se ishim vërtet tolerantë në Holandë, por komentet e urrejtjes tregojnë anën tjetër të shoqërisë sonë. Shpresoj se kjo është një thirrje zgjimi. Tani për tani, unë jam plotësisht e paditur për këtë. Unë jam duke u fokusuar në gjërat e mira që do të vijnë”, tha ajo për Reuters.
