Numri i të famshmëve të vërejtur gjatë fazave të ndryshme të “The Eras Tour” të Taylor Swift tani është i pallogaritshëm.
Mes tyre, mbrëmjen e djeshme, të mërkurën 9 gusht, fansave të Taylor-it në “SoFi Stadium” në Inglewood të Kalifornisë iu bashkua edhe Meghan Markle së bashku me miken e saj britanike Lucy Fraser, sipas portalit “Page Six”.
Ndërsa Dukesha e Sussex dëgjonte hitet e Taylor Swift, bashkëshorti i saj Princi Harry ishte në Japoni ku mori pjesë në një samit të organizuar nga “Shoqëria Ndërkombëtare e Promovimit të Sporteve” (ISPS).
Në kryeqytetin e Japonisë, Duka i Sussex-it gjithashtu arriti të shijonte një moment të lirë së bashku me mikun e tij Ignacio “Nacho” Figueras, i cili postoi një foto të të dyve në Instagram teksa bënin pazar – për gratë e tyre, kini parasysh.
Pavarësisht distancës që ndan çiftin këto ditë, duka dhe dukesha e Sussex i lejuan vetes pak kohë së bashku javën e kaluar, në fakt, ata u panë mbrëmjen e së mërkurës së 2 gushtit gjatë një darke në Montecito (Kaliforni), me rastin e Ditëlindja e 42-të e Meghan.
