Debati i Edona James dhe Vesa Vllasaliut është kthyer sërish në vëmendje në spektaklin e natës së sontme (e hënë).
Në një bisedë me opinionisten Anita Muçaj – Haradinaj, bukuroshja nga Gjilani filloi të qante, duke theksuar se ka reaguar keq pasi ia ka përmendur historinë e saj.
Ajo thotë se i ka penguar pjesa kur James i kishte thënë që ‘nuk kishte faj se ia ka marrë shoqja burrin’.
“Kam reaguar keq sepse më ka përmend diçka shumë të keqe, sepse më ka përdorur diçka, e kam treguar një storie që akoma më dhemb shpirti”, u shpreh ajo.
Më tej, Vesa shtoi: “Më herët më ka thënë normal nuk ka pas faj që ta ka marrë shoqja burrin e tani me më thënë, normal që sillem ashtu”.
Vllasaliu e ka rrëfyer edhe në BBVK historinë me futbollistin Mërgim Berisha dhe romancën e tyre toksike.
Ajo tregoi edhe se ka qenë shtatzënë dhe se e ka humbur fëmijën.
