Këngëtarja e njohur, Jennifer Lopez, ka marrë vëmendjen e rrjeteve sociale, por ndryshe nga herat tjera.
Ylli i muzikës dha një shfaqje mbresëlënëse në “Saturday Night Live”, derisa ndodhi një incident i papritur që edhe pse nuk zgjati shumë, u riprodhua në mediat ndërkombëtare.
Lopez ishte duke performuar këngën e saj të re “Can’t Get Enough” dhe duke kërcyer me grupin e saj në skenë kur një fije e flokëve të saj i ra nga koka.
Kamerat e emisionit kanë regjistruar skenën kur JLo kërcen dhe një tufë flokësh i qëndron në njërën nga duart.
Lopez përpiqet ta heqë atë dhe të rifillojë kërcimin.
Ky moment i veçantë është bërë viral në internet orët e fundit, pasi është ripublikuar nga disa persona, kryesisht përmes platformës “X”.
