Në muzikë ai njihet si Lil Grizzi, por emri i tij i vërtetë është Griseld Shehu. Talenti i tij ka vite që ka rënë në sy dhe deri tash ai ka 10 videoklipe dhe 3 projekte vetëm audio, nga të cilat 3 janë bashkëpunime me artistë të ndryshëm dhe të njohur në shoqërinë e tij.
Reperi, i cili jeton në Angli me origjinë nga Kukësi, ka filluar si hobi muzikën rreth 8 apo 9 vite më parë, por kjo nuk do të thotë që nuk mund të kthehet një ditë në profesion. Projekti më i ri muzikor që Lil Grizzi ka publikuar mban titullin "IDGF" në bashkëpunim me Tot-in, dhe ka filluar të marrë vëmendje të mirë nga dëgjuesit.
Ai shprehet se do të ketë edhe bashkëpunime të tjera me artistë të njohur në të ardhmen, ndërsa synimi i tij është që muzika e tij të shpërfaqet më shumë tek audiencat shqiptare, por edhe në Angli.
Një ditë, ai shpreson të performojë edhe në koncerte ku pret dhe ftesa. Ne ju inkurajojmë të ndiqni dhe të klikoni këngën në linkun më poshtë për të marrë lajme të fundit rreth reperit në rrjetet e tij sociale.
