Shifty Shellshock, këngëtari kryesor i grupit rock-rap, Crazy Town, ka vdekur në moshën 49 vjeçare.
Shellshock, emri i vërtetë i të cilit është Seth Brooks Binzer, ndërroi jetë në një rezidencë në Los Angeles të hënën, sipas të dhënave të Ekzaminuesit Mjekësor të Los Angeles. Ende nuk dihej shkaku i vdekjes së tij, shkruan NBCLosAngeles.com.
Crazy Town fitoi famë në vitin 2000 me këngën e tyre “Butterfly” nga albumi i tyre debutues “The Gift of Game”.
Foto: Shifty Shellshock / GettyImages
Kënga arriti në vendin e parë në tabelën Billboard Hot 100 në vitin 2001 dhe u shfaq në filmin “Orange County” të vitit 2002.
Grupi u shpërbë në vitin 2002, pasi albumi i tyre i dytë, “Darkhourse”, nuk arriti të vazhdonte suksesin e arritur me “The Gift of Game”.
