Ka nisur numërimi mbrapsht për 55-vjetorin e Jennifer Lopez.
Më 20 korrik, nisi festimet që mesa duket do zgjasin disa ditë me një festë të frymëzuar nga seriali "Bridgerton". Lopez mirëpriti familjen e saj në Hamptons së bashku me disa yje të Hollywood për të festuar me të katër ditë më herët.
Kodi i veshjes ishte i thjeshtë: fustane ballosh dhe kostum dhe kravata nga periudha e Regjencës. Nga nëna e Lopez-it, Guadalupe Rodríguez, te Lucy Paez dhe Sarah Jessica Parker, të ftuarit veshën fustanet e tyre më të bukura, si në serialin e njohur të Netflix që u lançua në vitin 2020. Me të mbërritur, secili u prit me një kalë dhe karrocë.
Sipas fotografive të siguruara nga 'Page Six', Rodríguez kishte veshur një fustan të bukur blu me detaje dantelle. Nëna e yllit të Hollywood shoqërohej nga disa anëtarë të tjerë të familjes, duke përfshirë edhe mbesat e Lopez.
Megjithatë, pavarësisht mbledhjes familjare, raportet tregojnë se një person i rëndësishëm mungonte në festë- bashkëshorti i këngëtares, Ben Affleck. Duke folur për 'People', një burim i brendshëm konfirmoi se aktori 51-vjeçar qëndroi në Bregun Perëndimor, duke anashkaluar festën e gruas së tij ndërsa ata vazhdojnë të kalojnë kohë të ndarë.
Të dy nuk janë parë bashkë për shkak të krizës së dyshuar martesore. Lopez dhe Affleck festuan veç e veç katër korrikun dhe përvjetorin e martesës më 16 korrik.
