Reperi, producenti dhe aktori amerikan Snoop Dogg (52) mbajti pishtarin olimpik nëpër Paris përpara hapjes së Lojërave Olimpike.
Snoop Dogg ishte ndër bartësit e fundit të pishtarit olimpik, duke e mbajtur nëpër rrugët e Saint-Denis.
Pishtari olimpik udhëtoi nëpër Francë për dy muaj, dhe të premten në mëngjes kaloi përmes fshatit Olimpik, i cili ndodhet midis Saint-Denis dhe Saint-Ouen.
Muzikanti, emri i vërtetë i të cilit është Calvin Broadus Jr. është një ikonë e hip-hopit amerikan dhe një nga interpretuesit më të njohur në këtë zhanër, në të cilin është përfshirë për më shumë se 30 vjet. Ai është aktiv edhe jashtë botës muzikore, pasi rrjeti amerikan NBC e punësoi si bashkëkomentues në Lojërat Olimpike.
