Aktorja Jennifer Aniston, gjatë fundjavës e ka gjetur veten në një situatë të komplikuar.
Asaj i është hedhur bojë e zezë gjatë xhirimeve të projektit filmik “The Morning Show”, ka shkruar revista People.
Në atë që duket të jetë pjesë e skenarit, Aniston, e cila luan rolin e Alex Levyt, në këtë projekt filmik, u mbulua me bojën e zezë.
Aktorja u shfaq e zemëruar ndërkohë që statistët largoheshin të mos spërkateshin. Më parë gjatë këtij muaji, ylli pati konfirmuar se xhirimet e “The Morning Show” kanë filluar për sezonin e katërt me radhë.
Këtë e pati bërë pasi shpërndau disa fotografi në rrjetin social Instragram ku shihej përkrah koleges Reese Witherspoon dhe Tig Notaro.
