Aktorja e njohur Sandra Bullock nuk e ka përjashtuar mundësinë që të ketë takime të reja apo të krijojë një marrëdhënie të re. Një burim zbuloi për Us Weekly se aktorja e famshme, partneri i së cilës Bryan Randall vdiq vitin e kaluar, është e hapur ndaj mundësisë për të vazhduar me jetën e saj në një moment në të ardhmen.
Megjithatë, burimi theksoi se aktorja aktualisht po shërohet ngadalë duke mbajtur gjallë kujtimin e Bryan dhe duke u fokusuar te fëmijët e saj. Gushtin e kaluar, partneri prej tetë vitesh i Bullock, fotografi Bryan Randall, vdiq në moshën 57-vjeçare pas një beteje trevjeçare (të cilën e mbajti sekret) me sëmundjen e neuronit motorik, sklerozën anësore amiotrofike, e cila sulmon qelizat e tij nervore palcën kurrizore dhe trurin.
Randall u takua me aktoren në festën e ditëlindjes së djalit të saj Louis në janar 2015 dhe ata bënë debutimin e tyre në tapetin e kuq në premierën e filmit të Bullock, Our Brand Is Crisis. Çifti e mbajti lidhjen e tyre larg syrit të publikut, por Bullock tregoi se ajo kishte “gjetur dashurinë e jetës së saj” në Randall gjatë një paraqitjeje në “Red Table Talk” në dhjetor 2021, shkruajnë mediat e huaja.
Tani, Bullock është fokusuar tek fëmijët e saj. Ajo birësoi dy fëmijë si nënë beqare, Louis, i cili është 14 vjeç dhe Laila, 11. Randall dhe ndihmoi në rritjen e tyre. Aktorja po përpiqet gjithashtu t’i rikthehet jetës së saj profesionale pas një pushimi për t’u kujdesur për Randall.
