Ylli Kim Kardashian, ka kërkuar një urdhër ndalimi kundër përndjekësit Melvin Jeffery Conley, i cili më parë i shkaktoi telashe koleges së saj, aktores Emma Roberts. Sipas një raporti të TMZ, Conley kohët e fundit ka përndjekur aktoren dhe tani thuhet se po kërkon të kontaktojë me Kim.
Emma Roberts, e cila luan me Kim në American Horror Story, e telefonoi Kim dhe i tha se Melvin kishte hyrë në shtëpinë e saj dhe e kishte thirrur nga telefoni i shtëpisë së saj. Ajo e paralajmëroi Kimin se burri po përpiqej të arrinte tek ajo dhe fëmijët e saj, transmeton Indeksonline.
Ema nuk ishte në shtëpi kur Conley hyri brenda, por ajo foli me të në telefon, duke menduar se ishte një anëtar i familjes që e thërriste. Kur e kuptoi se po fliste me një burrë të panjohur, menjëherë thirri policinë, por Conley ia mbathi. Conley më pas vizitoi shtëpinë e Kris Jenner, nënës së Kim Kardashian, duke pretenduar se ai kishte një takim me Kim dhe se ai ishte menaxheri i saj dhe një basketbollist i NBA-së që luan për Toronto Raptors.
Më vonë, Conley u përpoq të arrinte Kim në shtëpinë e saj në Malibu, por nuk mundi ta gjente atë sepse ajo nuk jeton atje. Kim shprehu shqetësimin për faktin se ai arriti të gjente shtëpinë e saj, pasi është shumë e vështirë për ta bërë këtë.
Kim është ende në pritje të miratimit të kërkesës së saj, ndërsa Conley tashmë ka marrë një masë ndalimi pesë-vjeçare ndaj Emma Roberts dhe djalit të saj Rhodes, të cilin e ka me ish-partnerin Garrett Hedlund.
