Është një këngë e njohur, por e risjellë në një cover me zë të bukur nga artistja simpatike Vlora. Të gjithë e njohin tashmë që kur ishte e vogël për talentin e saj këngëtaren Vlora Kasrati Shala.
Si duket, pas shumë angazhimeve, ka gjetur kohë ta mbyllë bukur sezonin e verës me këtë super projekt me titull "Sikur vjet edhe sivjet". Në vendin e saj të lindjes, në pjesën turistike të Rugovës, në Radavc të Drinit të Bardhë, e hipur në një makinë garash me flamurin më të bukur në botë, e me elegancën e saj, artistja e ka sjellë këtë cover me videoklip nga Video Art nga Iliri Ahmeti, me regji dhe skenar nga vetë Vlora.
Mixmaster si gjithmonë është Florent Boshnjaku, ndërsa muzika dhe orkestrim janë nga Gazi.
Kujtojmë se para 3 muajsh Vlora publikoi një tjetër projekt me titull "Hajde Cikë", që u prit mjaft mirë. Po ashtu, edhe coveri i saj i ri ka filluar të pritet dhe të pëlqehet mjaft pasi vjen nga të gjitha aspektet mjaft i veçantë.
