Tito Jackson , një anëtar i grupit “Pop Jackson 5” dhe vëllai i të ndjerit Michael Jackson , ka vdekur në moshën 70-vjeçare, raportojnë mediat amerikane.
Shkaku zyrtar i vdekjes ende nuk është bërë i ditur.
Tito ishte në grupin ikonë së bashku me vëllezërit Jackie, Jermaine, Marlon dhe Michael, të cilët vdiqën në 2009.
Ai ishte së fundmi në Mynih përpara një shfaqjeje që grupi do të jepte.
Steve Manning, mik i vjetër i familjes Jackson dhe ish-menaxher i po të njëjtës familje, tha për “Entertainment Tonight” se Jackson vdiq të hënën, më 16 shtator.
Tre djemtë e tij, Taz, Taryl dhe TJ Jackson, të cilët ishin vetë një treshe R’n’B/pop e viteve 1990, konfirmuan lajmin në një postim në Instagram:
“Jemi të tronditur, të pikëlluar dhe të shkatërruar. Babai ynë ishte një njeri i jashtëzakonshëm që kujdesej për të gjithë. Do të na mungojë shumë. Do të jetë përgjithmonë “Tito’s time” për ne. Ju lutemi mos harroni të bëni atë që babai ynë bëri gjithmonë, na mbrojti dhe na mësoi të duam njëri-tjetrin’. Të duam,” shkruhej në postim.
Hitet e Jackson 5 përfshinin ‘ABC’, ‘The Love You Save’ dhe ‘I Want You Back’.
