Demi Lovato shfaqi unazën e saj të fejesës dhe dha detaje të planit të dasmës të enjten gjatë një paraqitjeje në “The Tonight Show” me protagonist Jimmy Fallon.
Këngëtarja 32-vjeçare ndërsa kishte veshur një bluzë me mëngë të gjata ngjyrë kafe dhe një fund të ngjashëm, u përgëzua nga Jimmy, 50 vjeç, për fejesën e saj në dhjetor me Jordan ‘Jutes’ Lutes , 33 vjeç.
Demi ngriti dorën e saj të majtë duke zbuluar unazën e saj të fejesës, ndërsa publiku shpërtheu në duartrokitje, shkruan DailyMail.
“Faleminderit”, tha Demi. “Faleminderit shumë”.
“Ju të dy jeni muzikantë të talentuar. E ke menduar dasmën dhe muzikën që do të luash?”, pyeti Jimmy.
“Po” u përgjigj Demi. “Kemi kohë që planifikojmë dasmën. U fejuam në dhjetor dhe u takuam me një planifikues dasme, si një muaj më vonë”.
“A do të performosh në dasmën tënde?”, pyeti Jimmy.
“Jo, nuk do ta bëj” u përgjigj kandidatja për çmimin “Grammy”.
“Po, ky është shumë stres”, tha Jimmy.
“Dua që kjo të mos duket si punë”, tha Demi.
