Ish-fituesi i Big Brother Vip Kosova 2, Lumbardh Salihu ka folur së fundmi për ndarjen nga partnerja e tij, Kader Kicaj, me të cilën u njoh gjatë lojës.
Ish-futbollisti ka qenë së fundmi i ftuar në “Talk With Afrona”, ku ka folur më shumë rreth kësaj ndarjeje.
“Secila fazë e ka atë të veten, secila ndarje e ka atë të veten po unë mendoj në qoftë se dy persona të rritur vendosin me i nda rrugët nuk është më ai hap vetëm pa asnjë arsye, pa i menduar”, u shpreh ai.
Nga ana e tij duket se nuk ka pasur hatërmbetje, pasi ndër të tjera gjatë intervistës ai u shpreh se i uron ish-partneres suksese në jetë.
“Unë mund të them që i uroj Kaderit më të mirat në botë edhe shumë suksese në jetë”, tha ai.
Kader nga ana tjetër duket se ka një hatërmbetje me Lumbarin dhe ka lënë të kuptohet se ka ndodhur një tradhti.
