Cardi B ka anuluar një shfaqje në festival në SHBA, teksa shërohet nga një urgjencë mjekësore në spital.
Këngëtarja amerikane do të ishte titullar i festivalit muzikor One në Atlanta, Georgia, sot, së bashku me interpretuesit Nelly, Fantasia dhe grupin Earth Wind and Fire.
“Jam shumë e trishtuar të ndaj këtë lajm, por kam qenë në spital duke u rikuperuar nga një urgjencë mjekësore dy ditët e fundit dhe nuk do të mund të performoj në One MusicFest. Më thyhet zemra që nuk do të arrij t'i takoj fansat këtë fundjavë dhe do të dëshiroja vërtet të isha atje. Faleminderit për mirëkuptim, do të kthehem më mirë dhe më e fortë së shpejti," shkroi ylli 32-vjeçar në rrjetet sociale.
Cardi B, emri i vërtetë i së cilës është Belcalis Almanzar, lindi fëmijën e saj të tretë me këngëtarin Offset muajin e kaluar.
Cardi B dhe Offset, të cilët u martuan në vitin 2017, por kanë pasur një lidhje të vazhdueshme gjatë viteve, tashmë kanë dy fëmijë - vajzën gjashtëvjeçare, Kulture dhe djalin trevjeçar, Wave.
Ajo u bë e famshme në Love and Hip Hop: New York VH1 përpara se të niste karrierën solo muzikore me hitet Bodak Yellow dhe I Like It.
Albumi i saj i parë dhe i vetëm, Invasion Of Privacy, i dha asaj një Grammy për albumin më të mirë rep, dhe ajo vazhdoi të jetë një emër i shquar në industri duke publikuar bashkëpunime të suksesshme me Maroon 5 “Girls Like You” 2018 dhe Megan Thee Stallion për WAP 2020.
