Melania Trump është rikthyer në qendër të vëmendjes pasi bashkëshorti i saj, Donald Trump fitoi zgjedhjet presidenciale në SHBA.
Ish-modelja me origjinë nga Sllovenia do të bëhet sërish Zonja e Parë e SHBA-së, pasi ishte në të njëjtin rol edhe gjatë mandatit të Trump nga viti 2016 deri në 2020.
Me fitoren e kandidatit republikan, vëmendja për Melania-n është rikthyer sërish në rrjetet sociale.
Në platformën e njohur TikTok është përhapur një reklamë sllovene e vitit 1993, në të cilën ajo luan rolin e Presidentes. Përmes videos ajo shihet duke zbritur nga aeroplani dhe duke përshëndetur, e më e shoqëruar nga sigurimi, futet në makinë dhe rregullon grimin, duke u bërë gati për inaugurimin.
Në fund të videos, me një buzëqeshje të madhe në fytyrë, ajo betohet për rolin e Presidentes. Ajo që ashtu po habit të gjithë është ndryshimi drastik i gruas së Trump ndër vite.
Melania Trump ishte një modele e suksesshme para martesës së saj me Donald Trumpin. Ajo e filloi karrierën e saj kur ishte vetëm 16 vjeçe, pasi ra në sy nga fotografi slloven Stane Jerko.
