Sonte në ora 21:00, në ekranet e TV Klan, nisi rrugëtimin spektakli më i madh muzikor në Shqipëri—“X Factor Albania”! Pak muaj pas mbylljes së një edicioni shumë të suksesshëm që kurorëzoi si fitues Alis Kallaçin, ky sezon i ri premton të sjellë emocionet dhe magjinë e talenteve të reja të muzikës shqiptare.
Nën drejtimin e regjisores Vera Grabocka dhe moderatores Alketa Vejsiu, “X Factor Albania 6” vjen me surpriza të jashtëzakonshme për publikun. Talente të rinj, momente emocionuese, e përballje të paharrueshme do të mbushin skenën e këtij sezoni, i cili premton të tejkalojë çdo pritshmëri.
Tri netë audicionesh do të jenë një udhëtim i jashtëzaknshëm drejt zbulimit të një brezi të ri yjesh, që do të ngjiten në skenën e madhe për të realizuar ëndrrën e tyre.
Të rinj të talentuar nga Shqipëria dhe trojet shqiptare me zërat e tyre befasuan publikun, që i ndoqi live, ndërsa premtojnë një rrugëtim të gjatë. Më të mirët prej tyre morën “Po”-të e jurisë për të vijuar garën në fazat e tjera; vilat e jurisë dhe netët live, në skenën e “X Factor”.
Ndaj, qëndroni pranë ekranit çdo javë për të parë se si talentet e reja sfidojnë vetveten dhe i japin jetë ëndrrës së tyre. Spektakli sapo ka filluar – e ardhmja e muzikës po shkruhet tani!
