Bleona Qereti ka sjellë një sukses të jashtëzakonshëm me projektin e saj më të ri muzikor, këngën “Stani,” e cila ka tejkaluar pritshmëritë dhe është pritur me shumë entuziazëm nga publiku.
Kënga është vizualizuar për tregun amerikan, një zgjedhje strategjike që synon të globalizojë muzikën shqiptare dhe ta vendosë atë në qendër të skenës ndërkombëtare.
Me një qasje të freskët dhe moderne, “Stani” ka arritur të mbledhë mbi 6 milionë shikime në YouTube, duke shënuar një tjetër sukses për Bleonën dhe duke konfirmuar se muzika shqiptare mund të tërheqë një audiencë të gjerë në nivel global.
Ky projekt jo vetëm që thekson potencialin e muzikës tradicionale shqiptare, por edhe demonstruar mënyrën se si ajo mund të përshtatet për tregun ndërkombëtar pa humbur identitetin e saj.
Në një intervistë ekskluzive për telegrafin, Bleona ndau detaje të rëndësishme mbi këtë projekt dhe tregoi se “Stani” është pjesë e një serie projektesh të reja që do të publikohen në vazhdimësi.
Ajo foli për rëndësinë e ripërpunimit të këngës, duke theksuar se përzgjedhja e një kënge të vjetër shqiptare synon të ngjallë një ndjenjë krenarie për trashëgiminë kulturore të Shqipërisë, duke e bërë atë të arritshme dhe tërheqëse për një audiencë të re dhe globale.
Ky projekt i Bleonës vjen si një dëshmi e angazhimit të saj për të promovuar muzikën dhe kulturën shqiptare përtej kufijve dhe është pritur me përgëzime dhe mbështetje të madhe nga fansat e saj dhe kritikët e muzikës.
