Jori Delli, ka ndarë së fundmi një përgjigje të sinqertë me ndjekësit e saj në Instagram rreth planeve për të krijuar një familje.
E pyetur nëse po mendon të bëhet nënë tani që po afrohet mosha 30 vjeç, Jori u përgjigj me humor dhe reflektim:
“Ende jo 30. Një fëmijë është një përgjegjësi. Duhet të jesh gati për të ndryshuar plotësisht jetën tënde. Dëshira ime është të kem shumë fëmijë, por mendoj se nuk jam gati tani. Kam shumë për të bërë, për të vizituar dhe për të ndjerë.”
Jori gjithashtu shtoi se aktualisht po fokusohet në eksplorimin e botës, forcimin e marrëdhënieve dhe ndërtimin e një baze ekonomike të qëndrueshme për të ardhmen. Me këtë qasje, ajo nënvizon rëndësinë e përgatitjes emocionale dhe financiare përpara krijimit të një familjeje.
