Edhe pse në rrjetet sociale u përfol se aktori i njohur, Leonardo DiCaprio, është fejuar me të dashurën e tij, modelen italiane Vittoria Ceretta (26-vjeçe), kjo nuk është e vërtetë.
Një burim i afërt me çiftin i tha revistës Page Six se thashethemet nuk ishin asgjë më shumë se “spekulime në internet”, duke vënë në dukje se pretendime të ngjashme shfaqen rregullisht çdo muaj.
Çifti – i cili është takuar që nga vera e vitit 2023 – ndezi për herë të parë thashethemet e fejesës në fillim të këtij viti, kur Vittoria u pa duke mbajtur një unazë diamanti në Los Angeles, duke bërë që shumë të besojnë se dyshja ishin në fakt të fejuar.
Megjithatë, një burim i tha TMZ në atë kohë se çifti nuk është i fejuar dhe se ajo e ka unazën që nga viti 2022.
Gjatë Ditës së Falënderimeve të vitit të kaluar, çifti ishte në Londër, ku kaluan kohë me familjen. DiCaprio më parë e prezantoi Vittorian me nënën e saj dhe u panë për herë të parë së bashku në shtator të vitit të kaluar.
Kujtojmë se aktori ka qenë në lidhje me shumë modele në të kaluarën, përfshirë Camila Morrone, Gigi Hadid, Gisele Bündchen, Bar Refaeli, Nina Agdal etj.
Megjithatë, shumë fansa besojnë se Vittoria Ceretti është ajo që mund të jetë më shumë se thjesht një romancë kalimtare.
