Lidhja e Princeshës Kate dhe Princit William është një nga më të njohurat dhe më të dashurat në familjen mbretërore britanike. Ata kanë kaluar më shumë se dy dekada së bashku, por propozimi i fejesës ka ardhur vetëm pas një periudhe të gjatë pritjeje.
Ata u njohën në universitet dhe fillimisht ishin miq, për t’u bërë më pas çift, duke kaluar shumë vite së bashku para se Princi William të kërkonte dorën e Kate në vitin 2010.
Fotografi i njohur mbretëror, Arthur Edwards, ka zbuluar arsyen pas vonesës së propozimit në një intervistë për “The Sun Royal Exclusive”. Ai ka treguar se një herë kishte pyetur William-in për arsyen e vonesës, dhe Princi i Uellsit i kishte shpjeguar se kishte pasur disa angazhime të rëndësishme që duhej t’i përfundonte.
William theksoi se një nga detyrimet kryesore ishte shërbimi i tij ushtarak, pasi një ditë pritej të bëhej kreu i forcave të armatosura britanike. Përveç kësaj, ai duhet të ndiqte shkollën e biznesit, gjë që e bënte të vështirë të përqendrohej në çështje personale, si një fejesë.
