Pas një kërkimi të gjatë dhe të pasuksesshëm për një kandidat të përshtatshëm për postin e CEO-së, Meghan Markle ka vendosur të emërojë veten si drejtuesen e markës së saj të re të stilit të jetesës, American Riviera Orchard.
Marka, e cila u prezantua me bujë në mars, u krijua për të promovuar gatimin dhe jetesën e rafinuar, transmeton klankosova.tv.
Sipas raportimeve nga Daily Mail dhe New York Post, Meghan ka marrë vendimin për të udhëhequr vetë kompaninë pas dështimit për të gjetur një kandidat të përshtatshëm.
Gjithashtu, burime të afërta kanë bërë të ditur se Dukesha e Sussex është në bisedime me gjigantin e transmetimeve, Netflix, për një partneritet komercial me American Riviera Orchard, duke i dhënë mundësi të reja biznesit të saj.
Meghan thuhet se po fokuson produktet e saj të markës në shtëpi, kopsht dhe stilin e jetesës dhe aktualisht American Riviera Orchard ka mbi 600 mijë ndjekës në Instagram – postimet ekzistuese megjithatë formojnë vetëm formën e logos së saj.
