Në një bisedë të tensionuar, por plot humor, Drenusha dhe Gresa diskutuan mbi talentin muzikor të Gjestit, duke ngritur pyetje mbi aftësitë e tij vokale dhe suksesin që ka arritur.
Drenusha shprehu hapur dyshimet e saj, duke sugjeruar se Gjesti mund të mos ketë një talent të vërtetë për këndim.
Në përgjigje, Gjesti nuk e la pa koment, duke mbrojtur veten me humor dhe vetëbesim. “Nuk e di mirë a këndoj keq a mirë, por milionat po më vijnë”, tha ai, duke nënkuptuar se suksesi i tij flet më shumë se kritikat.
Nga ana tjetër, Gresa e mori situatën me një qasje më të lehtë, duke sqaruar se komenti i saj ishte thjesht një formë ngacmimi miqësor.
Gjesti gjithashtu theksoi rëndësinë e sakrificës në rrugën drejt suksesit. “Mirë është me sakrifiku,” tha ai, duke nënvizuar se përkushtimi dhe puna e palodhur janë pjesë kyçe e rrugëtimit të tij artistik.
