Së fundmi kudo nëpër rrjet u ngritën aludime se Miriam Cani është në pritje të ëmbël. Megjithatë, këngëtarja vetë i hodhi poshtë këto aludime, duke konfirmuar në programin “Goca dhe Gra” në Top Channel se nuk është shtatzënë.
Ajo tregoi se, megjithatë, herë pas here ajo dhe Albani e mendojnë mundësinë e të pasurit një fëmijë tjetër, sidomos kur i shohin ata që janë mirë së bashku për disa minuta. Alban, siç tha Miriami, shpesh i thotë: “Dy mrekulli kemi bërë, a nuk mund të bëjmë edhe një tjetër?”
Përveç kësaj, Miriami ka ndarë edhe lajme të tjera pozitive, duke zbuluar se brenda dy javësh do të publikohet një këngë e re, një duet me bashkëshortin e saj, Alban Skënderaj.
"Herë pas here e kemi këtë dëshirën kur i shohim, kur janë mirë ato nja 2-3 minuta me njëri tjetrin. Thotë Albani, dy mrekulli kemi bërë, e bëjmë edhe një tjetër?! Edhe mua më kujtohen ato mendimet e netëve pa gjumë".
