Billie Eilish është rikthyer me edicionin e tetë të intervistës së saj të përvitshme me revistën e njohur Vanity Fair.
Secilin vit ajo realizon intervistë me revistën prestigjioze, ku pyetjet janë të njëjta, dhe ajo flet për progresin e karrierës, parashikimet dhe arritjet që do t’i realizojë përgjatë vitit.
Artistes së fundmi iu shtrua pyetje se cila ishte artistja që po e dëgjon më së shumti për momentin dhe përgjigjja e saj ishte: “Lady Gaga”.
“Them të drejtën e kam dëgjuar shumë Lady Gaga-n, këngët e saj të vjetra, me të vërtetë të mira. Si për shembull, Alejandro, Poker Face dhe G.U.Y”, u përgjigj këngëtarja.
Billie Eilish, po e përmbyll suksesshëm këtë vit, me albumin e saj si i dyti më i dëgjuar në të gjithë botën në platformën “Spotify”.
Kënga e saj “Birds of a Feather” është në mesin e më të dëgjuarve në këtë platformë.
