Aktori dhe regjisori legjendar Clint Eastwood, pavarësisht 94 viteve të tij, duket se nuk dorëzohet. Sipas informacioneve ekskluzive nga World of Reel, ai është duke punuar për krijimin e tij të ardhshëm filmik, me kastin kryesor të aktorëve që tashmë është vendosur, sipas burimeve.
Ndërkohë që detajet e sipërmarrjes së re mbeten ende të fshehta, raporti, bazuar në informacionin nga dy burime të pavarura, thotë se një njoftim do të bëhet në tremujorin e parë të 2025.
“Clinti është shumë punëtor… ai ka kaluar shumë mirë duke bërë Juror #2 dhe dëshiron të vazhdojë. Pra, nëse nuk ka probleme shëndetësore, mund të kemi një njoftim për filmin e radhës shumë shpejt”, tha një burim pak kohë më parë.
Një raport paralel nga InSneider thoshte “se Eastwood dëshiron të kthehet pas kamerës për herë të fundit”.
Me 157 minuta të gjatë, “Juror #2” është filmi i dytë më i gjatë i aktorit legjendar. Shkruar nga Jonathan Abrams, në të luajnë Nicholas Hoult dhe Toni Collette, Zoe Dutch, Kiefer Sutherland, ndër të tjera.
“Unë jam vërtet i intriguar kur një histori e vendos një personazh në një dilemë morale dhe kjo është një dilemë që të gjithë mund ta imagjinojmë veten ose të lidhemi me të në një farë mënyre,” tha ylli ikonë për PEOPLE.
