Ish-banorja e Big Brother VIP Kosova, Lela Seferi, e cila u largua nga shtëpia disa javë më parë, vijon të jetë në qendër të vëmendjes.
Edhe pas daljes së saj, banorët brenda shtëpisë vazhdojnë të përmendin emrin e saj.
Së fundmi, Lela ka reaguar në rrjetet sociale, duke akuzuar produksionin për një largim të padrejtë.
Në deklaratën e saj, ajo thekson se largimi ishte rezultat i një intrigë të qëllimshme për të siguruar nominimin e saj.
“Tani e kam të qartë intrigën që u bë për të mundësuar nominimin tim 100% atë javë. Me kontratë, një gjë e tillë nuk është e lejueshme. Nuk është diçka që varej nga unë dhe një reagim i imi nuk do ta ndryshonte rrjedhën e ngjarjeve. Detyra e Vëllait të Madh ka qenë të më mbronte, por ja ku jam sot, jashtë shtëpisë,” ka shkruar ajo në një deklaratë të gjatë.
