Benny Blanco nuk mund të mos jetë i mahnitur nga Selena Gomez.
Të hënën, më 6 janar, producenti, 36 vjeç, ndau pamjet e të fejuarës së tij, 32 vjeç, nga Golden Globes 2025 në një video të TikTok.
Në klip, Blanco zmadhon Gomez-in, e cila ka veshur një fustan blu saten Prada dhe pozon përpara kamerës dhe në sfond mund të dëgjohet duke bërtitur: "Uu! Shikoni vajzën time! "
"Unë duhet të marr çmimin më të mirë të natës", shkroi autori i “Open Wide” në nënshkrim.
Në Golden Globes të dielën, më 5 janar, aktorja e nominuar dhe krijuesi i hitit "Love Yourself" dolën për ngjarjen e tyre të parë të madhe që nga fejesa në dhjetor, ku padyshim patën atë shkëlqimin e të sapofejuarve.
Ndërsa çifti nuk ecën bashkë në tapet, ata shfaqën dukjet e tyre krah për krah brenda Beverly Hilton, ku Blanco gjithashtu ‘lau’ partneren e tij me puthje mbi sup gjatë monologut hapës të komedianes Nikki Glaser. Momenti i ëmbël është kapur gjatë ceremonisë së CBS.
Me një fustan me ngjyrë të kaltër, me porosi të Prada-s, Gomez dukej si një princeshë. Fustani përmbante gjithashtu një fund elegant me palosje delikate në bel dhe shoqërohej me një shall që Gomez e mbante rreth krahut gjatë gjithë natës. Ajo kishte gjithashtu një gjerdan mahnitës diamanti dhe një palë vathë nga Tiffany & Co që i shtuan një element me shkëlqim.
Me ndihmën e stilistit Renato Campora, Gomez i stiloi flokët e saj në një bob me onde të frymëzuar nga ikonat Sofia Loren, Lauren Bacall dhe Marilyn Monroe.
Në Golden Globes të këtij viti, Gomez u nominua për interpretimin më të mirë nga një aktore në një rol dytësor për “Emilia Pérez”, si dhe interpretimin më të mirë nga një aktore një serial televiziv – muzikal ose komedi për “Only Murders in the Building”.
Në dhjetor 2024, aktorja e “Spring Breakers” zbuloi se ajo dhe muzikanti i "Eastside" ishin fejuar përmes një serie fotosh në Instagram, i cili përfshinte një foto nga afër të unazës së saj të fejesës dhe një foto të saj dhe Blanco duke festuar fejesën e tyre me të qeshura dhe një përqafim.
"Përgjithmonë fillon tani...", shkroi ajo në postim, ndërsa Blanco komentoi pa hezitim: "Hej prit… kjo është gruaja ime."
@itsbennyblanco i got to take home the best award of the night
♬ original sound - benny blanco
