G Bani dhe Gerta patën një debat të ashpër në shtëpinë e Big Brother VIP Albania.
Gjithçka nisi pasi G Bani i kërkoi që të mos i prekin gjërat personale.
Në dhomën e gjumit kishte ndodhur një përplasje e mëparshme mes G Banit dhe Gjestit, ku ky i fundit, pas një mosmarrëveshjeje, kishte prekur jastakun e G Banit.
Gerta, duke u munduar të mbrojë Gjestin, i tha G Banit se nuk ishte diçka e madhe që i preku jastakun, por kjo nuk e qetësoi aspak situatën.
Fjalët u shkëmbyen me ton të lartë, dhe gjërat përshkallëzuan.
G Bani, në një moment të zemërimit, hodhi të gjitha rrobat e Gertes në tokë, duke përfshirë edhe sendet e saj personale nga krevati.
Megjithatë, Gerta befasoi të gjithë me reagimin e saj.
Me një qëndrueshmëri të pazakontë, ajo tha se nuk ishte bërë asgjë dhe se do t’i mbledhë gjërat, duke treguar një durim të madh përballë situatës.
